18-09-2019
18 верасня 2019 г. Першы намеснік Міністра замежных спраў Рэспублікі Беларусь Андрэй Еўдачэнка прыняў удзел у канферэнцыі “Вядзенне бізнесу з ІКЕА” у г.Мінску, арганізаванай канцэрнам пры садзейнічанні Пасольства Беларусі ў Швецыі.
У сваім выступленні А.Еўдачэнка станоўча ацаніў вынікі работы канцэрна ў Беларусі і планы нарасціць закупку тавараў беларускай вытворчасці да 300 млн.еўра ў 2021 годзе. Адзначыў, што супрацоўніцтва з дадзенай найбуйнейшай у свеце гандлёвай сеткай па продажы мэблі і тавараў для дома з'яўляецца прыкладам інтэграцыі нашай краіны ў сусветную эканоміку.
У рабоце канферэнцыі прынялі ўдзел кіраўніцтва і прадстаўнікі шэрага беларускіх прадпрыемстваў мэблевай, дрэваапрацоўчай і лёгкай прамысловасці.