В Беларусь без визы

Афіцыйны каментарый прэс-сакратара МЗС Беларусі адносна распаўсюджанай СМІ інфармацыяй, якая датычыцца выказванняў у ходзе брыфінгу 27.02.2002 прэс-сакратара Дзяржаўнага дэпартамента ЗША ў адносінах праблематыкі гандля зброяй

Пытанне:

Як МЗС Беларусі можа пракаментаваць інфармацыю, што распаўсюджваецца СМІ, якая датычыцца выказванняў у ходзе брыфінгу 27.02.2002 прэс-сакратара Дзяржаўнага дэпартамента ЗША ў адносінах праблематыкі гандля зброяй?

Адказ прэс-сакратара МЗС Паўла Латушкі:

МЗС Беларусі не будзе каментаваць тую інфармацыю, якую ініцыятыўна распаўсюджваюць расійскія СМІ.

Хацелі б адзначыць, што ніякіх фактаў, якія б падцвярджалі незаконны гандаль Беларуссю зброяй нам не было прадстаўлена ні падчас візіту дэлегацыі Кангрэсу ЗША, ні падчас знаходжання прадстаўнікоў Дзярждэпартамента ЗША, і нам няма ў чым апраўдвацца.

Што тычыцца каментарыя прэс-сакратара Дзяржаўнага дэпартамента ЗША Рычарда Баўчэра, на які вы спасылаецеся, вам лепш звярнуцца з гэтым пытаннем да Пасла ЗША ў Беларусі Майкла Козака, які прымаў удзел ва ўсіх сустрэчах прадстаўнікоў Кангрэса і Дзярждэпартамента ЗША з афіцыйнымі асобамі Беларусі.

Мы яшчэ раз падкрэсліваем, што Беларусь ніколі не гандлявала, не гандлюе і не плануе гандляваць зброяй у абыход санкцый Савета Бяспекі ААН або з краінамі, якія заўважаны ў падтрымцы тэрарыстаў.