Аб 10-годдзі ўстанаўлення дыпламатычных адносін паміж Беларуссю і Кубай
15 апреля 2002 г.З нагоды дзесяцігадовага юбілею з дня ўстанаўлення дыпламатычных адносін паміж Рэспублікай Беларусь і Рэспублікай Куба, які адзначаецца 16 красавіка, Міністр замежных спраў Міхаіл Хвастоў накіраваў віншавальнае пасланне свайму кубінскаму калегу Феліпе Перэсу Рокэ.
У пасланні, у прыватнасці, гаворыцца, што адносіны паміж Беларуссю і Кубай вызначаюцца высокім даверам і ўсебаковым характарам супрацоўніцтва.
Паспяхова развіваюцца беларуска-кубінскія ўзаемадачыненні ў палітычнай сферы. Дзяржаўны візіт на вышэйшым узроўні на Кубу ў 2000 годзе Прэзідэнта Рэспублікі Беларусь Аляксандра Лукашэнкі стаў знамянальнай падзеяй у гісторыі дзвюх краін.
Беларусь высока цэніць нязменную падтрымку Рэспублікі Куба пры галасаванні па рэзалюцыях Генеральнай Асамблеі ААН аб наступствах чарнобыльскай катастрофы, рэгіянальным разбраенні і іншых ініцыятывах, якія Беларусь прапануе ў рамках гэтай міжнароднай арганізацыі.
У сваю чаргу, наша краіна выступае за поўную і безумоўную адмену эканамічнай блакады Кубы з боку ЗША.
Шмат яшчэ належыць зрабіць, падкрэсліваецца ў пасланні, для таго, каб максімальна наблізіць двухбаковыя гандлёва-эканамічныя адносіны да ўзроўню палітычнага ўзаемадзеяння.
У рамках юбілею прадугледжана правядзенне ў Мінску шэрагу мерапрыемстваў.
Беларускае таварыства дружбы і культурнай сувязі з замежнымі краінамі сумесна з Міністэрствам замежных спраў, Пасольствам Рэспублікі Куба ў Рэспубліцы Беларусь і Таварыствам дружбы "Беларусь-Куба" 16 красавіка б.г. правядуць урачысты вечар. У мерапрыемстве, што адбудзецца ў 18 гадзін у памяшканні Дома дружбы, прымуць удзел афіцыйныя беларускія асобы, прадстаўнікі грамадскасці, актывісты беларуска-кубінскага таварыства дружбы.
Падчас урачыстага вечара адбудзецца прэзентацыя кубінскай серыі карцін народнага мастака Беларусі Георгія Паплаўскага. Удзельнікі мерапрыемства змогуць таксама пазнаёміцца з выставай плаката, прысвечанай прыродзе і турыстычным цэнтрам Кубы.
Тэме супрацоўніцтва Беларусі і Кубы ў галіне вышэйшай адукацыі будзе прысвечаны круглы стол з удзелам прадстаўнікоў беларускіх ВНУ і грамадскасці, што пройдзе ў Доме дружбы 17 красавіка.
Цэнтр міжнародных даследаванняў Белдзяржуніверсітэта 17 красавіка сумесна з МЗС правядзе навукова-практычную канферэнцыю пад назвай "Беларусь-Куба: дзесяць гадоў супрацоўніцтва і погляд у будучыню". У канферэнцыі, што пачне сваю працу а 11 гадзіне ў Габеленавай зале Белдзяржуніверсітэта, прыме ўдзел Надзвычайны і Паўнамоцны Пасол Рэспублікі Куба ў Рэспубліці Беларусь Фелікс Леон Карбальо, прадстаўнікі навуковых колаў, установаў і арганізацый, што маюць вопыт дачыненняў з гэтай краінай. Падчас дыскусіі адбудзецца шырокі абмен думкамі па ўсім комплексе двухбаковых стасункаў.
Урачыстасці з нагоды юбілею пройдуць таксама ў сталіцы Кубы Гаване. Пасольства Рэспублікі Беларусь у Рэспубліцы Куба сумесна з Кубінскім інстытутам дружбы народаў праводзіць прыём, на які запрошаны афіцыйныя асобы, прадстаўнікі грамадскіх арганізацый і аб'яднанняў Кубы, дыпламатычнага корпусу, акрэдытаванага ў краіне, а таксама беларускай дыяспары.
Журналісты, зацікаўленыя у асвятленні згаданых мерапрыемстваў, павінны прыбыць у Дом дружбы і ў Габеленавую залу Белдзяржуніверсітэта за 10 мин. да пачатку мерапрыемства.
Официальные интернет-ресурсы
Президент Республики Беларусь
www.president.gov.byСовет Министров Республики Беларусь
www.government.gov.byСовет Республики
www.sovrep.gov.byПалата представителей
www.house.gov.byОфициальный сайт Республики Беларусь
www.belarus.byМеждународный ИКТ-Форум ТИБО-2022
www.tibo.byНациональный центр правовой информации Республики Беларусь
www.ncpi.gov.byПортал информационной поддержки экспорта Export.by
www.export.byБелорусская торгово-промышленная палата
www.cci.byЭлектронная торговая площадка ТОРГИБЕЛ
www.торги.белПравовой форум Беларуси
www.forumpravo.byНациональное агентство инвестиций и приватизации
www.investinbelarus.byНациональное агентство по туризму
www.belarustourism.byБелорусская универсальная товарная биржа
www.butb.byИнформационно-аналитический портал Союзного государства
www.soyuz.byТелеканал «Беларусь-24»
www.belarus24.byРадиостанция «Беларусь»
www.radiobelarus.byДипсервис
www.dipservice.byГлавное хозяйственное управление
www.bc.byЭлектронная торговая площадка TradeBel
www.tradebel.comНациональная академия наук Беларуси
www.nasb.gov.byМинистерство образования Республики Беларусь
www.edu.gov.byМинистерство природных ресурсов Республики Беларусь
www.minpriroda.gov.byМинистерство здравоохранения Республики Беларусь
www.minzdrav.gov.byМинистерство экономики Республики Беларусь
www.economy.gov.by