В Беларусь без визы

Еўразійскі эканамічны саюз

Еўразійскі эканамічны саюз (ЕАЭС) з'яўляецца міжнароднай арганізацыяй рэгіянальнай эканамічнай інтэграцыі, якая валодае міжнароднай правосуб’ектнасцю. У рамках Саюза забеспячваецца свабода руху тавараў, паслуг, капіталу і працоўнай сілы, правядзенне скаардынаванай, узгодненай ці адзінай палітыкі ў ключавых галінах эканомікі.


Дагавор аб Еўразійскім эканамічным саюзе быў падпісаны прэзідэнтамі Рэспублікі Беларусь, Рэспублікі Казахстан і Расійскай Федэрацыі 29 мая 2014 г. у г. Астане. Дагавор набыў моц 1 студзеня 2015 г.


1 студзеня 2018 года уступіў у сiлу Дагавор аб Мытным кодэксе ЕАЭС.


Саюз адкрыты для ўступа любой дзяржавы, які падзяляе яго мэты і прынцыпы, на ўмовах, узгодненых дзяржавамі-чальцамі. Таксама прадугледжана магчымасць атрымання статуту дзяржавы-назіральніка пры Саюзе.


Падчас пасяджэння ВЕАЭС на ўзроўні кіраўнікоў дзяржаў 10 кастрычніка 2014 г. у г. Мінску быў падпісаны Дагавор аб далучэнні Рэспублікі Арменія да Дагавора аб ЕАЭС ад 29 мая 2014 года. Дагавор набыў моц 2 студзеня 2015 года.


Падчас пасяджэння ВЕЭС на ўзроўні кіраўнікоў дзяржаў 23 снежня 2014 г. у г. Маскве быў падпісаны Дагавор аб далучэнні Кыргызскай Рэспублікі да Дагавора аб ЕАЭС. Дагавор набыў моц 12 жніўня 2015 года.


На пасяджэнні ВЕАЭС на ўзроўні кіраўнікоў дзяржаў 14 мая 2018 г. у г.Сочы статус дзяржавы-назіральніка ў ЕАЭС прадастаўлены Рэспубліцы Малдова.


У Дагаворы аб ЕАЭС вызначаны кампетэнцыя, парадак фармавання і працы ворганаў Саюза, якімі з’яўляюцца Вышэйшая Еўразійская эканамічная рада (ВЕАЭР), Еўразійская міжурадавая рада (ЕМУР), Еўразійская эканамічная камісія (ЕЭК – пастаянна дзейсны ворган Саюза) і Суд ЕАЭС. Замацаваны прынцыпы прыняцця ўсіх значных рашэнняў кансенсусам і роўнай прадстаўленасці бакоў у кіраўніцтве пастаянна дзейсных структур.


Дагавор аб ЕАЭС прадугледжвае, што ў накаторых найбольш адчувальных галінах эканомікі фармаванне агульнага рынка ЕАЭС будзе ажыццяўляцца паэтапна. У прыватнасці, агульны рынак лекавых сродкаў i медыцынскiх вырабаў пачаў дзейнiчаць у 2016 годзе, у 2019 годзе будзе створаны агульны рынак электраэнергетыкі, а агульныя рынкі нафты, нафтапрадуктаў і газу ў рамках ЕАЭС пачнуць функцыянаваць не пазней за 2025 г.


Рашэннямі ВЕАЭС ад 6 снежня 2018 г. зацверджаны Праграма стварэння агульных рынкаў нафты i нафтапрадуктаў Еўразiйскага эканамiчнага саюза і Праграма стварэння агульнага рынка газа ЕАЭС.


У мэтах забеспячэння усіх чатырох свабод (руху тавараў, паслуг, капіталу і працоўнай сілы) Еўразiйскi мiжурадавы савет на сваём пасяджэннi 25 кастрычнiка 2017 года адобрыў план мерапрыемстваў (“дарожную карту”) па адмене выняткаў i абмежаванняў на ўнутраным рынку Еўразiйскага эканамiчнага саюза на 2018-2019 гады.


На ўзроўнi кiраўнiкоў дзяржаў зацверджаны Асноўныя напрамкi рэалiзацыi лiчбавага парадку Еўразiйскага эканамiчнага саюза да 2025 года.


Зацверджаны план мерапрыемстваў (“дарожная карта”) па рэалiзацыi Асноўных напрамкаў i этапаў рэалiзацыi скаардынаванай (узгодненай) транспартнай палiтыкi дзяржаў ЕАЭС на 2018 – 2020 гады.
Саюз надзелены правам ажыццяўляць у межах сваёй кампетэнцыі міжнародную дзейнасць, накіраваную на вырашэнне задач, якія стаяць перад Саюзам.


З 2016 г. дзейнічае Пагадненне аб свабодным гандлі паміж дзяржавамі-членамі Еўразійскага эканамічнага саюза і Сацыялістычнай Рэспублікай В'етнам. У 2018 г. былі падпісаны Пагадненне аб гандлёва-эканамічным супрацоўніцтве паміж Еўразійскім эканамічным саюзам і яго дзяржавамі-членамі, з аднаго боку, і Кітайскай Народнай Рэспублікай, з другога боку, і Часовае пагадненне, якое вядзе да стварэння зоны свабоднага гандлю паміж Еўразійскім эканамічным саюзам і яго дзяржавамі-членамі, з аднаго боку, і Ісламскай Рэспублікай Іран, з іншага боку. Вядуцца перамовы па заключэнні пагадненняў аб свабодным гандлі з Сінгапурам, Ізраілем, Індыяй, Егіптам, уніфікацыі гандлёвага рэжыму з Сербіяй.


У цэлым, больш за 50 краін праявілі зацікаўленасць да супрацоўніцтва з ЕАЭС у тым ці іншым фармаце.
З інфармацыяй аб інстытуцыянальных асновах, мэтах, задачах і прынцыпах  функцыянавання ЕАЭС можна азнаёміцца тут.