Áåëàðóñü . Ôàêòû

Аб сустрэчы намесніка Міністра замежных спраў Беларусі А.Краўчанкі з Прэм'ер-міністрам федэральнай зямлі Брандэнбург у адстаўцы М.Плацэкам і старшынёй Мінскага форума Р.Лінднерам

04-12-2019

4 снежня 2019 г. намеснік Міністра замежных спраў Рэспублікі Беларусь Алег Краўчанка сустрэўся з Прэм'ер-міністрам федэральнай зямлі Брандэнбург (ФРГ) у адстаўцы, старшынёй праўлення Германска-Расійскага форуму і апякунскага савета Дортмундскага міжнароднага адукацыйнага цэнтра, членам праўлення фонду ім.Ф.Эберта Маціасам Плацэкам і старшынёй Мінскага форуму, прадстаўніком кіраўніцтва германскага канцэрна «Schaeffler Group» Райнерам Лінднерам. М.Платцэк наведвае нашу краіну для ўдзелу ў XVII Мінскім форуме.

Падчас сустрэчы бакі разгледзелі стан і перспектывы развіцця беларуска-германскага ўзаемадзеяння ў розных галінах, у тым ліку па лініі няўрадавых арганізацый, абмяняліся думкамі па актуальных пытаннях міжнароднага парадку дня.

Быў адзначаны важкі асабісты ўклад М.Плацэка і Р.Лінднера ва ўмацаванне палітычнага дыялогу, эканамічнага, гуманітарнага і міжрэгіянальнага супрацоўніцтва Беларусі і Германіі.

русская версия   English version