Аб сустрэчы намесніка Міністра замежных спраў Беларусі А.Дапкюнаса з Паслом Нiгерыi
09 жніўня 2018 г.09-08-2018
9 жнiўня 2018 г. намеснік Міністра замежных спраў Рэспублікі Беларусь Андрэй Дапкюнас сустрэўся з Надзвычайным і Паўнамоцным Паслом Федэратыўнай Рэспублікі Нігерыя ў Расійскай Федэрацыі і Рэспубліцы Беларусь па сумяшчальніцтве Сцівам Дэвісам Угбам.
Да даведкі: пасля ўручэння сваіх даверчых лістоў Прэзідэнту Беларусі ў пачатку 2018 году Пасол Угба неаднаразова наведваў Беларусь і з’яўляецца сёння адным з найбольш актыўных афрыканскіх паслоў, акрэдытаваных у Беларусі па сумяшчальніцтве.
Падчас сустрэчы быў абмеркаваны стан сяброўскіх адносiн паміж Беларуссю і Нігерыяй і шляхі іх паступовага развіцця.
Асаблівая ўвага падчас размовы была нададзена магчымасцям істотнага нарошчвання паставак складанатэхнічнай і іншай беларускай прадукцыі на ёмісты нігерыйскі рынак, дзе існуе попыт на трактары і сельгастэхніку. Суразмоўцы падкрэслілі важнасць стварэння спрыяльных умоў для наўпроставых кантактаў прадстаўнікоў дзелавых колаў абедзвюх краін. Намеснік Міністра і Пасол сышліся ў думцы аб важнасці распрацоўкі беларускімі экспарцёрамі доўгатэрміновых стратэгій пранікнення і замацавання на найбуйнейшым і адным з найбольш перспектыўных у Афрыцы нацыянальным рынку Нігерыі, якому ўласціва высокая ступень канкурэнтнасці, разнастайная прапанова і шырокі попыт.
Важным напрамкам двухбаковага ўзаемадзеяння суразмоўцы прызналі развіццё шырокамаштабнага супрацоўніцтва ў галіне навучання нігерыйскіх студэнтаў у беларускіх ВНУ.
Да даведкі: Нігерыя лідыруе сярод усіх афрыканскіх краін па колькасці студэнтаў, якія навучаюцца ў ВНУ Беларусі.
Беларускі і нігерыйскі дыпламаты абмеркавалі тэму візітаў высокага ўзроўню і пагадзіліся з неабходнасцю актывізаваць іх прапрацоўку, каб надаць новы імпульс узаемавыгаднаму супрацоўніцтву. На сустрэчы таксама ішла размова пра працяг практыкі кансультацый паміж міністэрствамі замежных спраў і ажыўленне міжпарламенцкіх кантактаў.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by