Аб удзеле намесніка Міністра замежных спраў А.Дапкюнаса ў адкрыцці інфармацыйнага дня НАТА і сустрэчы з намеснікам Генеральнага сакратара НАТА
16 кастрычніка 2019 г.16-10-2019
16 кастрычніка 2019 г. намеснік Міністра замежных спраў Беларусі Андрэй Дапкюнас узяў удзел у адкрыцці інфармацыйнага дня праграмы НАТА «Навука дзеля міру і бяспекі», які арганізаваны Дзяржаўным камітэтам па навуцы і тэхналогіях і Нацыянальнай акадэміяй навук Беларусі пры садзейнічанні Міністэрства замежных спраў.
Да даведкі. Праграма «Навука дзеля міру і бяспекі» (ПДМБ) уяўляе сабой інструмент НАТА, які ставіць сваёй мэтай садзейнічанне развіццю супрацоўніцтва і дыялогу з усімі партнёрамі на аснове навуковых даследаванняў, інавацый, абмену вопытам. У рамках праграмы забяспечваецца фінансаванне і экспертная падтрымка даследаванняў у сферы бяспекі, якія праводзяцца сумесна дзяржавай-членам альянсу і краінай-партнёрам. За час свайго існавання ў рамках ПДМБ сфарміравана шырокая міжнародная сетка, якая складаецца з прадстаўнікоў навуковага і экспертнага супольнасцяў дзяржаў-членаў НАТА і краін-партнёраў. Штогод у рамках мерапрыемстваў праграмы прымаюць удзел каля 2000 экспертаў. Беларусь удзельнічае ў гэтай праграме з 1992 года.
Намеснік Міністра правёў сустрэчу з намеснікам Генеральнага сакратара НАТА па новых выкліках бяспекі Антоніё Місіролі, які ўзначальваў делегацыю Паўночнаатлантычнага альянса на інфармацыйным дні ў Мінску.
Да даведкі. А.Місіролі стаў найвышэйшым за апошнія 27 гадоў прадстаўніком кіраўніцтва сакратарыяту Паўночнаатлантычнага альянсу, які наведаў Беларусь. У 1992 годзе адбыўся візіт у Беларусь Генеральнага сакратара НАТА М.Вэрнэра.
Суразмоўцы адзначылі паступовую тэндэнцыю паляпшэння адносін Беларусі і НАТА, абмеркавалі пытанні развіцця супрацоўніцства Беларусі з краінамі-сябрамі і партнёрамі НАТА ў розных галінах, у тым ліку ў галіне барацьбы з новымі выклікамі і пагрозамі, уключаючы тэрарызм.
А.Дапкюнас падкрэсліў гатоўнасць беларускага боку да канструктыўнага дыялогу і ўзаемадзеянню з НАТА на ўзаемапаважлівай і раўнапраўнай аснове.
Намеснік Міністра праінфармаваў А.Місіролі аб выніках міжнароднай канферэнцыі высокага ўзроўню ”Барацьба з тэрарызмам пры дапамозе інавацыйных падыходаў і выкарыстання новых тэхналогій“, якая адбылася ў Мінску 3-4 верасня 2019 г. Беларускі дыпламат прыцягнуў увагу да ініцыятыў Беларусі па стварэнні ”пояса лічбавага добрасуседства“, а таксама распрацоўцы дэкларацыі аб неразмяшчэнні ракет сярэдняй і меншай далёкасці ў Еўропе, адзначыўшы, што прапановы белорускага боку накіраваны на зніжэнне канфрантацыі, аднаўленне даверу і ўмацаванне дабразычлівых сувязяў паміж краінамі.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by