Аб сустрэчы намесніка Міністра замежных спраў Беларусі А.Дапкюнаса з парламенцкай дэлегацыяй Інданэзіі
17 верасня 2018 г.17-09-2018
17 верасня 2018 г. адбылася сустрэча намесніка Міністра замежных спраў Рэспублікі Беларусь Андрэя Дапкюнаса з парламенцкай дэлегацыяй Інданэзіі, якая знаходзіцца з візітам у Беларусі.
У склад дэлегацыі, якую ўзначаліў старшыня інданезійска-беларускай парламенцкай групы дружбы Савета народных прадстаўнікоў Рэспублікі Інданезія Аданг Судражат, увайшлі больш за 10 дэпутатаў розных камісій інданэзійскага парламента.
У сустрэчы ў МЗС прыняў таксама ўдзел старшыня Пастаяннай камісіі па эканамічнай палітыцы Палаты прадстаўнікоў Нацыянальнага сходу Рэспублікі Беларусь, кіраўнік рабочай групы Нацыянальнага сходу па супрацоўніцтве з парламентам Інданэзіі Уладзіслаў Шчэпаў.
Падчас перагавораў абмеркаваны стан і перспектывы развіцця беларуска-інданезійскага ўзаемадзеяння, магчымасці ўплыву парламенцкіх груп дружбы як на яго актывізацыю, так і на пошук новых напрамкаў супрацоўніцтва паміж дзвюма краінамі.
Суразмоўцы правялі дэталёвую інвентарызацыю двухбаковых пагадненняў, якія патрабуюць сваёй ратыфікацыі, і праектаў міждзяржаўных дамоўленасцей, якія могуць быць узгоднены ў бліжэйшы час. Была закранута тэма абмену візітамі паміж дзвюма краінамі на высокім узроўні і пытанне важнасці адкрыцця пасольства Інданезіі ў Беларусі. Суразмоўцы пагадзіліся ў мэтазгоднасці актывізацыі прамых кантактаў паміж дзелавымі коламі дзвюх дзяржаў, у тым ліку праз выкарыстанне магчымасцей супрацоўніцтва паміж гандлёва-прамысловымі палатамі Беларусі і Інданезіі.
На сустрэчы быў падкрэслены значны патэнцыял развіцця двухбаковых адносін і адзначана гатоўнасць бакоў да актывізацыі палітычнага, гандлёвага і іншых напрамкаў узаемадзеяння, умацаванню дагаворна-прававой базы міждзяржаўных адносін і традыцый супрацоўніцтва, а таксама ўзаемнай падтрымцы ў міжнародных арганізацыях.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by