Аб удзеле Пастаяннага прадстаўніка Беларусі пры ААН В.Рыбакова ў рабоце Форуму ЭКАСАС па фінансаванні развіцця

18 красавіка 2019 г.

18-04-2019

16-17 красавіка 2019 г. Пастаянны прадстаўнік Рэспублікі Беларусь пры ААН Валянцін Рыбакоў узяў удзел у Форуме Эканамічнага і Сацыяльнага Савета ААН (ЭКАСАС) па наступных мерах у галіне фінансавання развіцця, які праходзіць у штаб-кватэры ААН у г.Нью-Ёрку з 15 па 18 красавіка 2019 г.

Да даведкі: Мерапрыемства з'яўляецца адным з міжнародных форумаў, створаных у рамках Адыс-Абебской праграмы дзеянней, якая была прынята на трэцяй Міжнароднай канферэнцыі па фінансаванні развіцця (Адыс-Абеба, Эфіопія, 13-16 ліпеня 2015) і служыць платформай для дыялогу па наступнай дзейнасці ў галіне фінансавання развіцця.

16 красавіка В.Рыбакоў у якасці намесніка старшыні ЭКАСАС выступіў падчас спецыяльнага пасяджэння высокага ўзроўню з Брэттан-Вудскімі ўстановамі, Сусветнай гандлёвай арганізацыяй і Канферэнцыяй ААН па гандлі і развіцці.

Да даведкі: Брэтан-Вудская сістэма — міжнародная сістэма арганізацыі грашовых адносін і гандлёвых разлікаў, усталяваная ў выніку Брэтан-Вудскай канферэнцыі, якая праходзіла з 1 па 22 ліпеня 1944 года. Канферэнцыя паклала пачатак такім арганізацыям, як Міжнародны банк рэканструкцыі і развіцця і Міжнародны валютны фонд.

Беларускі дыпламат прадставіў інфармацыю аб дзейнасці ЭКАСАС па праблематыцы запазычанасці і ўразлівасці краін у кантэксце дасягненні Мэт устойлівага развіцця (МУР), у прыватнасці, аб садзейнічанні краінам ў палягчэнні пазыковага цяжару, рэструктурызацыі запазычанасці і пісьменным кіраванні ёю. В.Рыбакоў падкрэсліў важнасць сумеснай работы ААН і міжнародных фінансавых інстытутаў на гэтым кірунку.

17 красавіка Пастпрад Беларусі старшыняваў падчас пасяджэння Форуму для разгляду пытанняў, звязаных з мабілізацыяй унутраных дзяржаўных рэсурсаў, а таксама нацыянальных і міжнародных прыватных фінансаў для выканання Парадку дня ў галіне ўстойлівага развіцця да 2030 года. Удзельнікі дыскусіі абмеркавалі меры і стымулы, якія могуць быць прапанаваны прыватнаму сектару для павышэння яго ўцягнутасці ў работу па дасягненні МУР, і падзяліліся вопытам па больш эфектыўным кіраванні бюджэтнымі паступленнямі.