Аб правядзенні ў МЗС пасяджэння Камісіі па выяўленні, вяртанні, сумесным выкарыстанні і ўвядзенні ў навуковы і культурны ўжытак культурных каштоўнасцей
19 верасня 2019 г.19-09-2019
19 верасня 2019 г. у Міністэрстве замежных спраў адбылося пасяджэнне Камісіі па выяўленні, вяртанні, сумесным выкарыстанні і ўвядзенні ў навуковы і культурны ўжытак культурных каштоўнасцей, якія знаходзяцца за межамі Беларусі. Пасяджэнне правялі сустаршыні камісіі – намеснік Міністра замежных спраў Андрэй Дапкюнас і намеснік Міністра культуры Сяргей Шарамецьеў.
Да даведкі: Створаная пры Савеце Міністраў у 2009 годзе Камісія вызначае прыярытэтныя напрамкі і формы дзейнасці па выяўленні, вяртанні, сумесным выкарыстанні i ўвядзенні ў навуковы i культурны ўжытак культурных каштоўнасцей, якія знаходзяцца за межамі нашай краіны, уносiць ва Урад адпаведныя прапановы, а таксама забяспечвае ўзаемадзеянне дзяржаўных органаў, грамадскiх аб’яднанняў, іншых юрыдычных асоб пры ажыццяўленні мерапрыемстваў па вяртанні культурных каштоўнасцей, якія знаходзяцца за межамі Рэспублікі Беларусь, і ажыццяўляе кантроль за працэсам вяртання культурных каштоўнасцей. У склад камісіі ўваходзяць прадстаўнікі міністэрстваў замежных спраў, культуры, інфармацыі і фінансаў, Нацыянальнага гістарычнага архіва Беларусі, Нацыянальнай бібліятыкі Беларусі, Беларускага фонду культуры.
На пасяджэнні члены камісіі з удзелам шырокага кола запрошаных аўтарытэтных экспертаў абмеркавалі праблему перамешчаных з мінскіх музеяў падчас Другой сусветнай вайны культурных каштоўнасцей, якія апынуліся ў іншых краінах, і адзначылі важнасць сваечасовага напаўнення зацікаўленымі і адказнымі ўстановамі Беларусі базы звестак інтэрнэт-партала “Вяртанне”.
Удзельнікі пасяджэння зрабілі шэраг рэкамендацый па актуалізацыі дзейнасці камісіі і прапанавалі новыя напрамкі яе работы, у тым ліку па ўсталяванні ўзаемадзеяння і пашырэнні супрацоўніцтва з замежнымі бібліятэкамі сховішчамі і музеямі.
На пасяджэнні камісіі было таксама закранута пытанне аб наглядзе і падтрыманні ў належным стане месцаў пахавання знакамітых беларусаў за мяжой і абмеркаваныя магчымыя меры па іх добраўпарадкаванні.
русская версия English version
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by