Аб пасяджэнні калегіі МЗС па разглядзе вынікаў работы органаў дыпламатычнай службы за 2018 год
20 лютага 2019 г.20-02-2019
20 лютага 2019 г. у Міністэрстве замежных спраў Рэспублікі Беларусь адбылося пашыранае пасяджэнне калегіі МЗС, прысвечанае разгляду вынікаў працы дыпламатычнай службы ў 2018 годзе.
У рабоце калегіі прыняў удзел Прэм'ер-міністр Рэспублікі Беларусь Сяргей Румас, прадстаўнікі Адміністрацыі Прэзідэнта, Савета Міністраў і Нацыянальнага сходу, кіраўнікі шэрагу рэспубліканскіх органаў дзяржаўнага кіравання і арганізацый па садзейнічанню знешнеэканамічнай дзейнасці, вядучых беларускіх прадпрыемстваў-экспарцёраў.
Міністр замежных спраў Беларусі Уладзімір Макей паведаміў аб выніках работы МЗС у 2018 годзе на знешнепалітычным і знешнеэканамічным кірунках, пазначыўшы шляхі выканання адпаведных задач, пастаўленых Кіраўніком беларускай дзяржавы.
У.Макей адзначыў, што ў няпростых знешніх умовах Беларусь вытрымала курс на забеспячэнне суверэнітэту, правядзенне незалежнай, збалансаванай шматвектарнай палітыкі, развіццё інтэграцыйных працэсаў на еўразійскай прасторы, дыверсіфікацыю знешняга гандлю, умацаванне бяспекі не толькі ў рэгіянальным, але і глабальным маштабах.
Кіраўнік знешнепалітычнага ведамства падкрэсліў своечасовасць і мэтазгоднасць у 2019 годзе ініцыятывы Прэзідэнта Беларусі аб арганізацыі новага шырокага дыялогу, аналагічнага Хельсінкскаму працэсу.
Паводле слоў У.Макея, Беларусь дакладна выконвае свае абавязацельствы ў рамках стратэгічнага партнёрства з Расіяй, працягвае ўмацоўваць тэндэнцыю да нармалізацыі адносін на «еўра-атлантычным вектары». Адзначана развіццё палітычнага дыялогу і супрацоўніцтва з дзяржавамі СНД, а таксама краінамі Азіі, Блізкага Усходу, Афрыкі, Лацінскай Амерыкі, нацэленыя ў першую чаргу на дыверсіфікацыю знешнеэканамічнай дзейнасці.
У.Макей падрабязна спыніўся на пытаннях геаграфічнай і таварнай дыверсіфікацыі экспарту, павышэння долі ў ім высокатэхналагічных тавараў, стварэння новых экспартаарыентаваных вытворчасцяў.
У цэлым задачы на знешнеэканамічным трэку, сфармуляваныя Кіраўніком дзяржавы, застаюцца нязменнымі: гэта павышэнне эфектыўнасці знешнеэканамічнай дзейнасці; захаванне традыцыйных рынкаў, выяўленне новых і замацаванне на іх; прыцягненне ў краіну сур'ёзных, перспектыўных інвестараў.
Спецыфічныя аспекты знешнеэканамічнай дзейнасці, спосабы мінімізацыі дысбалансу ў гандлі і рэзервы нарошчвання экспарту на прыкладзе канкрэтных партнёраў былі разгледжаны ў выступах паслоў Беларусі ў Расіі, Кітаі, Турцыі.
У 2019 годзе намаганні МЗС і замежных устаноў таксама будуць сканцэнтраваны на атрыманні максімальнай аддачы ад сяброўства Рэспублікі Беларусь у міждзяржаўных эканамічных аб'яднаннях, інтэграцыі айчыннай эканомікі ў сістэму міжнароднага гандлю на збалансаваных, выгадных для краіны ўмовах, а таксама ліквідацыі існуючых і папярэджанні ўзнікнення новых гандлёвых бар'ераў для тавараў і паслуг беларускіх прадпрыемстваў на знешніх рынках.
Падводзячы вынікі работы, Прэм'ер-міністр Беларусі Сяргей Румас у заключным слове засяродзіў увагу на задачах, пастаўленых Кіраўніком дзяржавы па сацыяльна-эканамічнаму развіццю Беларусі на 2019 год. Падрабязна спыніўся на якасных характарыстыках экспартнага патэнцыялу, магчымасцях яго павелічэння і дыверсіфікацыі за кошт выхаду на знешнія рынкі малых і сярэдніх прадпрыемстваў, у тым ліку пашырэння іх удзелу ў экспарце паслуг. Падкрэсліў неабходнасць павышэння якасці работы ў сферы інфармацыйна-камунікацыйных тэхналогій.
На еўразійскім напрамку Сяргей Румас звярнуў увагу на неабходнасць прапрацоўкі праграмы старшынства Беларусі ў ЕАЭС у 2020 годзе, падрыхтоўкі беларускіх ініцыятыў, накіраваных на выкарыстанне інструментаў інтэграцыі для прасоўвання нацыянальных інтарэсаў.
Асаблівая ўвага была нададзена завяршэнню перамоўнага працэсу па далучэнні Рэспублікі Беларусь да СГА.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by