Аб сустрэчы намесніка Міністра замежных спраў Беларусі А.Дапкюнаса з Першым намеснікам Генеральнага сакратара ААН
14 лютага 2019 г.14-02-2019
13 лютага 2019 г. у рамках візіту ў штаб-кватэру ААН намеснік Міністра замежных спраў Рэспублікі Беларусь Андрэй Дапкюнас сустрэўся з Першым намеснікам Генеральнага сакратара ААН Амінай Махамед.
Суразмоўцы абмеркавалі пытанні практычнай працы ў ААН у кантэксце выканання Парадку дня ў галіне ўстойлівага развіцця да 2030 года і намецілі магчымыя сумесныя крокі і мерапрыемствы ў гэтай галіне.
А.Дапкюнас праінфармаваў суразмоўніцу аб выніках першага Нацыянальнага форуму па ўстойлівым развіцці, які адбыўся ў Мінску 24 студзеня 2019 г., і звярнуўся з просьбай аб актывізацыі сумесных намаганняў па стварэнню ў ААН базы дадзеных аб нацыянальных каардынатарах.
Першы намеснік Генеральнага сакратара ААН у чарговы раз цяпло адгукнулася пра свой візіт у Беларусь у лютым 2018 года і падкрэсліла актыўную ролю і лідзіруючыя пазіцыі Беларусі ў працы па дасягненню Мэтаў ўстойлівага развіцця (МУР). У кантэксце стратэгіі ААН для асоб з абмежаванымі магчымасцямі, якая распрацоўваецца Генеральным сакратаром ААН, А.Махамед высока ацаніла намаганні беларускага боку па рэабілітацыі людзей з абмежаванымі магчымасцямі, падкрэсліўшы важнасць інтэграцыі ў грамадства гэтай катэгорыі грамадзян.
Суразмоўцы пагадзіліся, што характар Парадку дня – 2030 універсальны: устойлівае развіццё немагчыма без рашэння пытанняў міру, бяспекі і правоў чалавека.
Бакі таксама абмеркавалі магчымыя практычныя крокі па распаўсюджванню на мясцовы ўзровень работы па дасягненню МУР.
А.Махамед пацвердзіла зацікаўленасць у далейшым паглыбленні супрацоўніцтва з Беларуссю па прыярытэтных напрамках выканання МУР, у тым ліку ў кантэксце магчымага візіту Генеральнага сакратара ААН у Беларусь.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by