Памер шрыфта:

Аб сустрэчы намесніка Міністра замежных спраў Беларусі А.Дапкюнаса з намеснікам генеральнага сакратара ААН, выканаўчым дырэктарам Фонда ААН у галіне народанасельніцтва

06 снежня 2019 г.

06-12-2019

6 снежня 2019 г. намеснік Міністра замежных спраў Рэспублікі Беларусь Андрэй Дапкюнас сустрэўся з намеснікам генеральнага сакратара ААН, выканаўчым дырэктарам Фонду ААН у галіне народанасельніцтва (ЮНФПА) Наталіяй Канем, якая знаходзіцца ў Мінску з афіцыйным візітам.

Візіт кіраўніка фонду ў Беларусь адбываецца ў першыню.

Суразмоўцы абмеркавалі актуальныя кірункi ўзаемадзеяння Беларусі з Фондам ААН у галіне народанасельніцтва.

У якасці прыярытэтаў будучай краінавай праграмы супрацоўніцтва паміж Беларуссю і ЮНФПА на 2021-2025 гг., а таксама праектнага ўзаемадзеяння па дасягненні Беларуссю мэт устойлівага развіцця яны адзначылі стварэнне асяроддзя для актыўнага даўгалецця, падтрымку людзей з інваліднасцю, паляпшэнне становішча жанчын, рэпрадуктыўнае здароўе, выкарыстанне звестак аб перапісе насельніцтва 2019 года для распрацоўкі эфектыўнай стратэгіі ў галіне дэмаграфіі і ўстойлівага развіцця.

А.Дапкюнас і Н.Канем дамовіліся аб далейшай падтрымцы намаганняў Беларусі па гэтых напрамках з боку сістэмы ААН.

Падчас візіту, які працягнецца 9 снежня 2019 г., плануюцца двухбаковыя сустрэчы Наталлі Канем з Намеснікам Прэм’ер-міністра Ігарам Петрышэнкам, а таксама кіраўнікамі профільных міністэрстваў і ведамстваў.

Праграма візіту таксама прадугледжвае візіт Н.Канем у РНПЦ “Маці і дзіця”, удзел у дыскусіі па выніках праектнай дзейнасці ЮНФПА ў Беларусі і перспектыўных праектах фонду ў Беларусі, сустрэчы з прадстаўнікамі ІТ-галіны.

версія для друку

Відэа МЗС

Aрхіў

Афіцыйныя інтэрнэт-рэсурсы