Каментарый прэс-сакратара МЗС А.Глаза ў сувязі з пачаткам прымянення Польшчай новых абмежаванняў на беларуска-польскай мяжы
01 чэрвеня 2023 г.
Мы заяўлялі раней, што польскае кіраўніцтва сваімі рукамі стварае ўсё новыя перашкоды і нечалавечыя ўмовы для грамадзян Беларусі і Польшчы, а таксама перавозчыкаў усёй еўразійскай прасторы. На ім ляжыць уся віна за антыгуманныя наступствы такіх крокаў. У сувязі з гэтым цалкам зразумела справядлівае абурэнне прадпрымальнікаў і грамадзян Польшчы ў прыгранічных абласцях.
Мы бачым і неаднаразова казалі пра гэта, што рэжым Дуды-Маравецкага планамерна рэалізуе комплекс антыбеларускіх крокаў. Яны накіраваны на правакацыю ўскладненняў і эскалацыю, уключаючы ўвесь рэгіён. У сувязі з гэтым чарговыя маніпуляцыі з перасячэннем граніцы былі для нас чаканымі. Рашэнні ўрада Польшчы таксама паказваюць, што базавыя правы чалавека, у тым ліку права на свабоду перамяшчэння, на справе для іх нічога не значаць.
На гэтыя меры ў абавязковым парадку будзе асіметрычны адказ. Пры гэтым намі будуць у максімальна магчымай ступені ўлічаны інтарэсы простых палякаў, вымушаных пакутаваць з-за валюнтарызму свайго ўрада, і ў максімальнай - інтарэсы нашых грамадзян.
Беларускі бок з'яўляецца адказным іграком у сваім рэгіёне. Мы не маем намеру паддавацца на правакацыі, якія падкідваюцца нам, а будзем рэагаваць спакойна, планамерна і з годнасцю.
Заявы членаў польскага ўрада аб прычынах іх антыгуманных крокаў з'яўляюцца маніпуляцыямі, накіраванымі на нядобрасумленную эксплуатацыю цалкам зразумелых эмоцый польскіх грамадзян.
У Беларусі не прыгнятаецца ні адна з нацыянальных меншасцяў, усе грамадзяне розных нацыянальнасцей жывуць у міры і згодзе. Любы паляк можа ў гэтым упэўніцца, спакойна наведаўшы нашу краіну ў бязвізавым рэжыме.
Сцвярджэнне міністра замежных спраў Польшчы, якое прагучала ў Сейме, аб "зробленых уладам Беларусі прапановах, накіраваных на павелічэнне прасторы для палітычнага манеўру", не адпавядае рэчаіснасці. За апошнія гады польскае кіраўніцтва агучвае толькі першапачаткова непрымальныя для любой паважаючай сябе суверэннай дзяржавы ўльтыматумы, спрабуе адкрыта ўмешвацца ў дзейнасць судовай сістэмы і іншыя ўнутраныя справы Рэспублікі Беларусь. Любыя спробы шантажу і націску заўсёды будуць асуджаны на правал у адносінах да незалежнай Беларусі
У стандартны набор польскай знешняй палітыкі ў апошнія гады шчыльна ўвайшлі:
- падрыхтоўка і вярбоўка на тэрыторыі Польшчы ваенізаваных фармаванняў для ажыццяўлення тэрарыстычных актаў у Рэспубліцы Беларусь;
- утрыманне за кошт сродкаў простых польскіх грамадзян структур, чыімі адкрытымі мэтамі з'яўляецца гвалтоўная змена ўлады ў Беларусі;
- знішчэнне бежанцаў і мігрантаў з паўднёвых краін, якія ідуць праз Польшчу ў Еўропу;
- калючы дрот супраць людзей і дзікіх жывёл у Белавежскай пушчы коштам у паўмільярда долараў ЗША з кішэні польскіх падаткаплацельшчыкаў;
- пагаршэнне ўмоў транзіту для пан'еўразійскіх транспартных перавозак;
- прамы ўдзел у вайне на баку кіеўскага рэжыму.
На фоне гэтага "цывілізаванага" набору прадстаўнікі польскага кіраўніцтва заяўляюць, што "Польшча для Беларусі з'яўляецца акном у свет". Здаецца, рэжым Дуды - Маравецкага настолькі паверыў у сваю выключнасць і беспакаранасць, што ўжо адкрыта гаворыць пра сваю перавагу і не здольны выбудоўваць дыялог з суседзямі. Гэта вельмі небяспечная тэндэнцыя.
Унясем яснасць: у Беларусі спадароў няма з 1917 года і не будзе. Беларускі бок гатовы да ўзаемапаважлівага дыялогу з польскім бокам без ультыматумаў і папярэдніх умоў і разгледзіць рэальныя прапановы, накіраваныя на дээскалацыю і ўзаемавыгаднае вырашэнне надзённых пытанняў.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by