Аб удзеле Міністра замежных спраў Беларусі У.Макея ў мерапрыемстве, прымеркаваным да Міжнароднага дня роднай мовы
21 лютага 2019 г.21-02-2019
21 лютага 2019 г. у Нацыянальнай бібліятэцы Беларусі адбылося ўрачыстае мерапрыемства, прымеркаванае да 20-годдзя абвяшчэння ЮНЕСКА Міжнароднага дня роднай мовы і 25-годдзя прыняцця Канстытуцыі Рэспублікі Беларусь.
Міністр замежных спраў Рэспублікі Беларусь, старшыня Нацыянальнай камісіі па справах ЮНЕСКА Уладзімір Макей у сваім прывітальным слове падкрэсліў, што ўсе крокі па распаўсюджванні родных моў садзейнічаюць моўнай разнастайнасці і шматмоўнай адукацыі, мацуюць салідарнасць, заснаваную на ўзаемаразуменні, памяркоўнасці і дыялогу. Як адзначаў народны паэт Беларусі Якуб Колас: “Роднае слова – гэта першая крыніца, праз якую мы пазнаём жыццё і акаляючы нас свет”.
“Разумеючы невымерную каштоўнасць беларускай мовы, сёння мы працуем над забеспячэннем пераемнасці і няспыннай яе перадачы з пакалення ў пакаленне і з павагай ставімся да ўсіх іншых моў”, – распавёў У.Макей. Кіраўнік знешнепалітычнага ведамства адзначыў, што беларуская мова з’яўляецца не толькі важным элементам нашай дзяржаўнасці, гэта таксама адметны складнік этнічнага самаўсведамлення беларусаў, каштоўнасцей і традыцый нашага народа.
Міністр замежных спраў звярнуў увагу прысутных, што ў 2019 годзе спаўняецца 25 гадоў асноўнаму закону краіны – Канстытуцыі Рэспублікі Беларусь, прынятай 15 сакавіка 1994 года і вызначаўшай асновы дзяржаўнага ладу маладой незалежнай Беларусі.
У.Макей працытаваў шэраг палажэнняў Асноўнага закону, у якім замацавана суверэннае права Беларусі самастойна ажыццяўляць унутраную і знешнюю палітыку, абараняць сваю незалежнасць, тэрытарыяльную цэласнасць і канстытуцыйны лад.
У мерапрыемстве прынялі ўдзел прадстаўнікі дыпламатычнага корпуса, члены Нацыянальнай камісіі па справах ЮНЕСКА.
Больш за 20 замежных дыпламатаў прачыталі на сваіх родных мовах урыўкі з нацыянальных канстытуцый, што найбольш яскрава ўвасабляюць нормы і прынцыпы, на якіх грунтуюцца дзржаўны лад і палітыка іх краін.
Падчас мерапрыемства госці азнаёміліся з выставамі “Канстытуцыі розных краін” і “Маніхфэст” Рэспублікі”. Вакалісты Беларускай дзяржаўнай акадэміі музыкі выканалі шэраг музычных кампазіцый.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by