Аб сустрэчы намесніка Міністра замежных спраў Беларусі А.Дапкюнаса з Пастаянным каардынатарам ААН у Беларусі
31 ліпеня 2018 г.31-07-2018
31 ліпеня 2018 г. намеснік Міністра замежных спраў Рэспублікі Беларусь Андрэй Дапкюнас сустрэўся з Пастаянным каардынатарам ААН, Пастаянным прадстаўніком ПРААН, прадстаўніком ЮНФПА ў Беларусі Іаанай Казанай-Вішнявецкі.
Падчас сустрэчы суразмоўцы абмеркавалi пытанні ўзаемадзеяння Беларусі і агенцтваў сістэмы ААН у галіне дасягнення мэт устойлівага развіцця, ажыццяўлення праектаў міжнароднай тэхнічнай дапамогі, чарнобыльскага супрацоўніцтва, працягу сумеснай работы па праваабарончай тэматыцы.
Пастаянны каардынатар дэталёва праінфармавала аб ходзе рэформы сістэмы развіцця ААН і яе ўплыве на магчымасці далейшага супрацоўніцтва паміж Беларуссю і арганізацыяй. И.Казана-Вішнявецкі таксама распавяла аб ключавых мерапрыемствах, якія плануюцца да правядзення ў Беларусі ў бліжэйшы час агенцтвамі сістэмы ААН.
Намеснік Міністра прадставіў нацыянальныя прыярытэты Беларусі ў галіне міжнароднага тэхнічнага супрацоўніцтва ў адпаведнасці з нацыянальнай праграмай міжнароднай тэхнічнай дапамогі да 2020 года. А.Дапкюнас выказаў надзею беларускага боку на больш ініцыятыўнае далучэнне краінавай каманды ААН у Мінску да распрацоўкі і ажыццяўлення разам з нацыянальнымі партнёрамі максімальна эканомных і эфектыўных праектаў тэхнічнай дапамогі па прыярытэтных для краіны напрамках у эканамічнай, экалагічнай і сацыяльнай абласцях. Намеснік Міністра адзначыў асаблівую важнасць захавання і развіцця максімальна адкрытых і заснаваных на даверы адносін паміж агенцтвамі сістэмы ААН у Беларусі і беларускімі ведамствамі і нацыянальнымі партнёрамі.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by