Áåëàðóñü . Ôàêòû

Аб выступленні намесніка Міністра замежных спраў Беларусі А.Дапкюнаса на пленарным пасяджэнні ГА ААН

11-10-2019

10 кастрычніка 2019 г. падчас завяршальнага дня свайго знаходжання ў Нью-Ёрку намеснік Міністра замежных спраў Рэспублікі Беларусь Андрэй Дапкюнас прыняў удзел у дыскусіі Генеральнай Асамблеі ААН аб умацаванні Арганізацыі.



У сваім выступленні А.Дапкюнас звярнуўся да 75-гадовай гісторыі функцыянавання ААН, гісторыі поспехаў і няўдач, выкананых або няздзейсненых чаканняў, адданасці ідэалам і прынцыпам Арганізацыі, але і непаслядоўнасці ў іх увасабленні. Яе даўгалецце пацвярджае, што Арганізацыя застаецца запатрабаванай і не мае альтэрнатывы на бягучым этапе развіцця міжнародных адносін.

Беларускі дыпламат таксама акцэнтаваў увагу на адсутнасці альтэрнатывы шматбаковасці і дыялогу для ўрэгулявання міжнародных канфліктаў. Па гэтай прычыне фарміраванне сапраўднага фармату шматбаковасці, накіраванага на пошук кансенсусу, заснаванага на прынцыпах здаровага сэнсу і ўзаемных саступак, павінна стаць асноўным напрамкам ва ўмацаванні ААН.

А.Дапкюнас закрануў тэму юбілейнага саміту ААН 2020 года і іншых маючых адбыцца святочных мерапрыемстваў, уключаючы першае святкаванне заснаванага па ініцыятыве Беларусі Міжнароднага дня дэлегаты.

Да даведкі: па ініцыятыве Беларусі ў красавіку 2019 г. ГА ААН прыняла рэзалюцыю 73/286, у адпаведнасці з якой 25 красавіка (дзень пачатку міжнароднай Канферэнцыі ў Сан-Францыска) быў аб'яўлены Міжнародным днём дэлегата. Рэзалюцыя прынята напярэдадні маючага адбыцца ў 2020 годзе 75-годдзя з дня ўтварэння ААН, каб звярнуць увагу на ролю чалавечага фактару і духу адзінства ў стварэнні ААН.

Намеснік кіраўніка беларускага знешнепалітычнага ведамства выказаўся ў падтрымку рэформеных ініцыятыў Генеральнага сакратара ААН Антоніу Гутэрыша, асабліва, рэарганізацыі сістэмы развіцця ААН. А.Дапкюнас заклікаў да разумнага і карыснага ўмацавання ААН, а таксама да недапушчэння правядзення рэформаў дзеля рэформаў.

У гэтым кантэксце нагадаў пра актыўны ўдзел Беларусі ў распрацоўцы дамавы аб фінансаванні рэарганізацыі ААН, якая ёсць важным інструментам у аказанні падтрымкі дзяржавам па рэалізацыі парадку дня — 2030 на краінавых узроўнях.

Намеснік Міністра таксама закрануў пытанні ўдасканалення алгарытмаў работы асноўных органаў і камітэтаў ААН у мэтах выключэння дубліравання разглядваемых імі пытанняў і падкрэсліў неабходнасць максімальна выверанай работы структур Савета Бяспекі ААН, якія займаюцца пытаннямі выканання і маніторынгу выканання краінамі абмежавальных мер, якія ўводзяцца СБ ААН.

русская версия   English version