Адказ прэс-сакратара МЗС Беларусі А.Глаза на пытанне БелТА аб гатоўнасці аднавіць авіязносіны з Ізраілем
22 лістапада 2023 г.
БелТА: Вы звярнулі ўвагу на заклік Прэзідэнта Ізраілю Іцхака Герцага да замежных авіякампаній аднавіць выкананне рэйсаў у ізраільскія аэрапорты, перапыненыя ў сувязі з эскалацыяй палестына-ізраільскага канфлікту? Ці гатова Беларусь аднавіць прамыя авіязносіны з Ізраілем?
А.Глаз: Вядома, мы пачулі гэты заклік і сур'ёзна яго ўспрымаем. Мы цалкам гатовы ісці насустрач і аднавіць авіязносіны з Ізраілем хоць з заўтрашняга дня. Больш за тое, нашаму Пасольству ў Тэль-Авіве будзе даручана афіцыйна пацвердзіць МЗС Ізраіля нашу гатоўнасць адгукнуцца на гэты заклік Іцхака Герцага.
Перакананы, што гэта важны і неабходны крок, які будзе пазітыўна ўспрыняты нашымі людзьмі. Бо Беларусь і Ізраіль на працягу многіх гадоў звязваюць добрыя адносіны. У іх аснове ляжыць, у тым ліку, цеснае перапляценне чалавечых лёсаў і культур у гістарычнай рэтраспектыве. І сёння, калі міжнародная сістэма ўведзена ва ўмовы жорсткай канфрантацыі і раз'яднанасці, падтрыманне і развіццё кантактаў паміж людзьмі, гуманітарных і дзелавых сувязей набываюць асаблівую значнасць.
Рэгулярныя авіязносіны, вядома, іграюць ў гэтым важную ролю. Напрыклад, літаральна некалькі тыдняў таму з дазволу ізраільскага боку быў ажыццёўлены спецрэйс "Белавія" з Ізраіля. Гэта дало магчымасць выканаць даручэнне Кіраўніка нашай дзяржавы па эвакуацыі беларускіх грамадзян і членаў іх сем'яў з зоны канфлікту ў Беларусь. Вы ўсё бачылі, якія былі шчаслівыя пасажыры гэтага борта. А ў складаныя часы пандэміі і лакдаўнаў рэйсамі "Белавія", у сваю чаргу, актыўна карысталіся, у тым ліку, ізраільскія грамадзяне, якім мы дапамагалі дабірацца дадому.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by