Аб трэцім Беларуска-Лацінаамерыканскім форуме
23 красавіка 2024 г.
23 красавіка 2024 г. на пляцоўцы Дзелавога і культурнага комплексу Пасольства Рэспублікі Беларусь у Расійскай Федэрацыі пры арганізацыйнай падтрымцы ІРУП "Нацыянальны цэнтр маркетынгу і кан'юнктуры цэн" прайшоў ІІІ Беларуска-Лацінаамерыканскі форум.
У мерапрыемстве прынялі ўдзел прадстаўнікі 12 пасольстваў краін Лацінскай Амерыкі ў Расійскай Федэрацыі, з якіх палова - на ўзроўні кіраўнікоў дыпмісій. Акрамя таго, Форум наведалі кіраўнікі гандлёвых прадстаўніцтваў краін рэгіёна і кіраўнікі гандлёва-эканамічных службаў пасольстваў лацінаамерыканскіх дзяржаў.
У сваім выступленні намеснік Міністра замежных спраў Беларусі Яўген Шэстакоў адзначыў, што напрацоўкі двух раней праведзеных форумаў запатрабаваны ў сучасных умовах і могуць стаць добрай асновай для паспяховай рэалізацыі з партнёрамі з краін Лацінскай Амерыкі сумесных узаемавыгадных праэктаў.
У якасці перспектыўных напрамкаў узаемадзеяння Я.Шэстакоў абазначыў сельскую гаспадарку, фармацэўтыку, біятэхналогіі, лагістыку.
Намеснік кіраўніка беларускага знешнепалітычнага ведамства выказаў надзею, што мерапрыемства дасць магчымасць устанавіць трывалыя дзелавыя кантакты зацікаўленых лацінаамерыканскіх партнёраў з беларускімі прадпрыемствамі і кампаніямі. Падкрэсліў важнасць выхаду на канкрэтныя дамоўленасці.
З прывітальным словам да прысутных звярнуўся таксама Надзвычайны і Паўнамоцны Пасол Беларусі ў Расіі Дзмітрый Крутой. Адзначана экспартаарыентаванасць беларускай эканомікі, рост ВУП Беларусі, а таксама нацэленасць краін Лацінскай Амерыкі на развіццё ўзаемавыгаднага дыялогу.
У мерапрыемстве прынялі ўдзел прадстаўнікі кіраўніцтва шэрагу беларускіх дзяржорганаў і кампаній.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by